Policia e Tiranës ka reaguar për pamjet e publikuara ditën e djeshme në rrjetet sociale, ku pretendohej se një person kishte korruptuar punonjësit e IMT-së dhe efektivët e policisë për t’i prishur derën e shtëpisë fqinjit.
Sipas bluve të kryeqytet, porta metalike në banesën e shtetasit E.K., në rrugën “Kajo Karafili” është hequr fillimisht që në datën 31 gusht, nga IKMT, pasi i pengonte kalimin fqinjit të tij, shtetasit shtetasit F. D..
Por, ai e kishte rivendosur sërish portën metalike dhe ditën e djeshme, 9 shtator, IMT ka shkuar sërish për të hequr he veprimet e tyre janë mbështetur dhe nga efektivët e Policisë.
Sipas uniformave blu, gjatë ekzekutimit të vendimit të datës 09 shtator, punonjësit e IMT janë kundërshtuar dhe kanosur për shkak të detyrës nga shtetasit E. K., 37 vjeç, S. C., 53 vjeç, dhe E. K., 58 vjeç.
NJOFTIMI:
Në lidhje me një video të postuar ditën e djeshme në portalin JOQ, ju sqarojmë se:
Më datë 31.08.2023, në rrugën “Kajo Karafili”, nga shërbimet e Komisariatit të Policisë Nr. 3 është mbështetur IMT, dhe është mbajtur procesverbali i ekzekutimit të prishjes së një objekti (portë metalike), në pronësi të shtetasit E. K.
Më datë 09.09.2023, është marrë njoftim nga salla operative për një konflikt mes shtetasve F. D., dhe E. K., pasi ky i fundit kishte rivendosur portën metalike, duke i penguar kalimin shtetasit F. D. Shërbimet e Policisë kanë lajmëruar IMT për kryerjen e veprimeve nga ana e tyre, i kanë mbështetur ata gjatë veprimeve (për heqjen e portës), dhe të dy shtetasit janë shoqëruar në komisariat, për veprime të mëtejshme procedurale.
Gjatë ekzekutimit të vendimit të datës 09.09.2023, punonjësit e IMT janë kundërshtuar dhe kanosur për shkak të detyrës nga shtetasit E. K., 37 vjeç, S. C., 53 vjeç, dhe E. K., 58 vjeç.
Në vijim të veprimeve, u proceduan penalisht në gjendje të lirë shtetasit:
– F. D., 43 vjeç, dhe E. K., 58 vjeç, për veprën penale “Dëmtime të tjera me dashje”;
– E. K., 37 vjeç, S. C., 53 vjeç, dhe E. K., 58 vjeç, për veprat penale “Kundërshtimi i punonjësit që kryen një detyrë shtetërore ose një shërbim publik”, dhe “Kanosja për shkak të detyrës”.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
