Një 32-vjeçar është gjetur i pajetë në oborrin e banesës së tij, në fshatin Maqellarë të Dibrës.
Mësohet se , 32-vjeçari, i cili është identifikuar si Elsi Kosiqi, është vrarë me armë zjarri. Pas identifikimit të viktimës, të tjera detaje janë zbuluar nga kjo ngjarje e rëndë.
Autorët e kanë pasur shumë të lehtë për ta bërë ekzekutimin, se banesa është në rrugën kryesore që të çon te rrethrrotullimi i Maqellarës. Sipas dëshmive të para të mbledhura nga policia, besohet se autorët e këtij atentati kanë qenë dy persona.
Nga sa mësohet, ata i kanë thirrur në emër viktimës dhe më pas e kanë vrarë me tre plumba në gjoks. Sipas policisë, autorët kanë lënë disa gjurmë në vendin e ngjarjes, çka mund të ndihmojë për zbardhjen e krimit dhe identifikimin e autorëve.
Elsi Kosiqi, 32-vjeçari që mbeti i vrarë mësohet se kishte punuar disa kohë në Itali dhe se ishte i martuar, baba i tre fëmijë. Ai së fundmi bashkë me vëllzërit kishin ngritur një hotel në zonën e llixhave.
Të njëjtat burime kanë bërë të ditur se personat që kanë qëndruar me të, mund ta dinë autorin e ngjarjes. Gjithsesi deri më tani nuk ka një të dyshuar për krimin.
