Shqipëria përballet mbrëmjen e sotme në transfertë ndaj Republikës Çeke, sfidë e vlefshme për kualifikueset e kampionatit europian që do të mbahet verën e ardhshme.
Takimi do të mbahet në Pragë, në “Fortuna” Arena, ndërkohë që do gjykohet nga arbitri anglez Taylor.
Të shumtë kanë qenë tifozët shqiptarë që kanë udhëtuar për në Pragë për të qenë në mbështetje të Kombëtares.
Siç shihet në video, lojtari i 12-të kuqezi nuk ndalet me këngë patriotike, duke krijuar kështu një atmosferë fantastike nëpër rrugët e qytetit të bukur çek.
Deri më tani Shqipëria renditet në vendin e dytë me 6 pikë, një pikë më pak se Çekia. Sonte luhet gjithashtu edhe ndeshja tjetër e grupit, ku Polonia do kërkojë suksesin ndaj Ishujve Faroe.
