Nëntë muaj më vonë, pasojat pas Kupës së Botës vazhdojnë, veçanërisht në anën holandeze me Louis Van Gaal, i cili nuk permbahet.
Gjatë ndarjes së çmimeve Eredivisie, ish-trajneri i Holandës në kohën e Katarit 2022, u rikthye për të folur për fitoren përfundimtare të Messit dhe shokëve të tij.
Gjatë ndeshjes së vlefshme për çerekfinalen mes Holandës dhe Argjentinës (të fituar me penallti nga Messi dhe shokët e tij), trajneri pati problemet e tij me dhjetëshen e Albicelestes.
Provokime, ballë për ballë dhe më pas fitorja përfundimtare e skuadrës së Scalonit.
Tashmë, pas një kohe të gjatë, ish-trajneri i Portokallisë ka lëshuar disa deklarata tronditëse me një sulm të qartë ndaj FIFA-s.
Van Gaal nuk u permbajt kur u pyet nga gazetari për fitoren finale të Kupës së Botës në Katar nga Argjentina:
“Kur shikon sesi Argjentina shënon golat dhe kur sheh sesi disa lojtarë argjentinas luajtën pa u penalizuar, mendoj ishte e gjitha një fitore e paravendosur ne tavoline. Duhet ta fitonte Messi”.
Ish-trajneri i Holandës vazhdoi më pas: “Unë përgjigjem, nuk gënjej kurrë. Me atë që thashë, dua të them pikërisht këtë.”
https://twitter.com/i/status/1699112874847715638
