Zonja e parë e SHBA,Jill Biden rezultoi pozitive me Covid-19. Kështu njoftoi të hënën Shtëpia e Bardhë.
“Këtë mbrëmje, Zonja e Parë rezultoi pozitive me COVID-19. Ajo aktualisht po përjeton vetëm simptoma të lehta. Ajo do të qëndrojë në shtëpinë e tyre në Rehoboth Beach, Delaëare”, tha në një deklaratë zëdhënësja e zonjës së parë Elizabeth Alexander.
Ndërkohë Presidenti Joe Biden, 80 vjeç, rezultoi negativ, sipas Shtëpisë së Bardhë.
Një zyrtar i administratës tha për CNN se nuk ka ndryshime në protokollet e Shtëpisë së Bardhë për Covid.
Kujtojmë se verën e kaluar, zonja e parë rezultoi pozitive për Covid-19 gjatë pushimeve në Karolinën e Jugut në muajin gusht, ndërsa presidenti Joe Biden doli pozitiv korrikun e kaluar.
