Ish-kandidati i opozitës për Bashkinë e Kuçovës, Lefter Maliqi ka denoncuar ditën e sotme abuzimet e kryebashkiakut të Kuçovës, Kreshnik Hajdari me fondet për rikonstruksionin e shkollave.
Më konretisht, ai ka denoncuar shpalljen e tenderit 670 milionë lekë për rikonstruksionin e “Shkollës së Mesme” Perondi, ku sipas tij ka pabari haptaz në procedurat e tenderimit duke vënë kushtet specifike për firmën së cilës do t’ja dhurojë.
Në një postim në rrjetet sociale, Maliqi bën krahasimin mes shkollës së Perondisë dhe asaj të Lapardhasë, ku kjo e fundit, edhe pse me një kat më shumë dhe me kushte më të mira, sipas tij, është rikonstruktuar me vetëm 200 milionë lekë.
Postimi i plotë i Maliqit:
Skandal!
Vazhdojnë pa u ndalur abuzimet në Bashkinë Kuçovë të grabitur në “14 Maj”! Hajdari ‘pengu’ i ish fatorinos, Oligarkut Salillari ka shpallur tender 670 Milionë Lekë, për rikonstruksionin e “Shkollës së Mesme” Perondi, dy katëshe, sigurisht me pabarazi haptazi në procedurën në tenderimit duke vënë kushtet specifike për Firmën së cilës do t’ja dhurojë.
Por skandali i abuzimit është edhe më i dukshëm, tek shuma marramendëse e ofertës:
Vetëm një krahasim në 2009-2010 kur unë isha Kryetar i “Komunës Otllak”, u rikonstruktua “Shkolla e Mesme “Koco Brisku”e Lapardhase, 3 kate ndërtim, jo 2 kate siç është “Shkolla e Mesme e Perondisë” dhe u bë model për më pak se 200 Milionë, e pajisur me Kabinet Informatike bashkëkohor, me Kabinet Biologjie model, me biblotekë, klasa, tualete dhe ambiente moderne brenda dhe jashtë shkollës, me rrethim e terren sportiv; shihni foton.
Abuzimi i dukshëm te “Shkolla e Perondisë”, vetëm, dy kate ndërtesë dhe behet rreth 4 fish më shtrenjtë! Po të ishte 3 kate sa Shkolla e Lapardhasë, oferta do ishte 1 Miliardë Lekë, pra 5 herë më shumë.
‼️ Turp!
Abuzimet nuk ndalen, njëlloj siç u bë me abuzim asfalti në Goraj-Qafë Spitali ku ka patur edhe denoncim.
Së bashku të çlirojmë Bashkinë Kuçovë nga abuzimet dhe pengmarrja! T’i çojmë përpara Drejtësisë të korruptuarit, abuzuesit me taksat tuaja!
S’ka kthim pas, deri në kthimin e Bashkisë tek banorët!
