Tirana nuk arriti më shumë se një barazim 2-2 në “Niko Dovana përballë Teutës në javën e 2-të të Superiores.
Pas kësaj sfide, në emision ‘Skaner Superiore’, foli dhe Sulejman Starova.
“Ambient i mrekullueshëm. Loja na dhuroi një ndeshje të bukur me gola dhe raste. Një Teutë e bukur që po ndërton një skuadër të re. Përfaqësim mjaft i mirë dhe nga lojtarët e rinj.
Tirana reagoi për ta fituar ndeshjen. Në pjesën e parë më mirë Teuta, në të dytën më mirë Tirana. Por ishte një barazim i merituar. 4 gola tregojnë që në fazën difensive nuk ishin shumë mirë. Tirana nuk e dha më të mirën, krijuan raste por nuk u shfaqën mirë në fazën mbrojtëse.
Loja e mirë e Teutës pasi duhet ta ripërsërisim faktin që është një skuadër që po rindërtohet. Kjo Teutë rrallë herë ka bërë si sot, duke shënuar dy gola dhe duke pasur shumë raste. Përballë kishte një Tiranë që nuk e dha maksimumin”, është shprehur ish-trajneri Sulejman Starova.
