Policia rrugore e Elbasanit, ka ushtruar këtë të premte kontrolle për shkeljen e rregullave të qarkullimit rrugor.
Përmes një njoftimi zyrtar policia bën me dije se gjatë ditës së sotme janë kontrolluar në total 350 automjete, pasi shoferët janë konstatuar në shkelje të ndryshme të kodit rrugor, si mosvendosja e rripit të sigurimit, përdorimi i celularit gjatë drejtimit të mjetit etj.
“Gjatë ditës së sotme, janë kontrolluar në total 350 automjete, nga këto:
125 automjete janë konstatuar me masa administrative të pashlyera. Për drejtuesit e automjeteve është bërë terheqja e lejes së qarkullimit;
15 automjete janë konstatuar “Alert” nga radari automatik, për tejkalim shpejtësie. Për këto raste është terhequr dokumentacioni i automjetit.
12 drejtues automjetesh janë ndëshkuar për mosvendosje të rripit të sigurimit;
10 drejtues automjetesh, për përdorim të celularit gjatë drejtimit të automjetit;
28 drejtues automjetesh janë ndëshkuar administrativisht, pasi janë konstatuar pa kryer kontrollin teknik të automjetit.
15 drejtues të tjerë, për shkelje të ndryshme të Kodit Rrugor”,- njofton Policia.
Ndërkohë raportohet se kontrollet do të vijojnë në të gjitha akset rrugore urbane, interurbane dhe rurale, me qëllim rritjen e parametrave të sigurisë rrugore.
