Kryeministri japonez Fumio Kishida dhe disa nga ministrat e tij hëngrën sot ushqim deti nga deti pranë Fukushimës, ku po zhvillohet çlirimi i ujit radioaktiv të pastruar nga termocentrali bërthamor.
Qëllimi i drekës ishte të tregonte se si lëshimi i ujit nuk do të çojë në pasoja negative për shëndetin e njerëzve, transmeton agjencia japoneze Kyodo.
Ministri i Ekonomisë i Japonisë, përgjegjës për politikën bërthamore, Yasutoshi Nishimura, tha se Kishida hëngri levrek dhe oktapod sashimi.
“Ne duhet të informojmë njerëzit brenda dhe jashtë vendit për cilësinë e ushqimeve të detit të kapur në det pranë kompleksit bërthamor Fukushima”, tha Nishimura.
Autoritetet japoneze njoftuan të enjten e kaluar se procesi i lëshimit të ujit të pastruar në Oqeanin Paqësor nga termocentrali bërthamor i Fukushimës, i shkatërruar nga tërmeti dhe cunami shkatërrues në mars 2011, kishte filluar.
Agjencia Ndërkombëtare e Energjisë Atomike tha se metoda e lëshimit të ujit në Japoni ishte në përputhje me standardet globale të sigurisë dhe do të kishte një ndikim “të papërfillshëm” radiologjik mbi njerëzit dhe mjedisin.
