Japonia është goditur sot (20 prill) nga një tërmet i fuqishëm, teksa autoritetet lëshuan edhe alarmin për tsunami, duke paralajmëruar qytetarët.
Lëkundjet sizmike u raportua se kishin një fuqi me magnitudë 7.4 ballë të shkallës Rihter.
Tërmeti goditi bregun verilindor të Japonisë, raportoi NHK.
Një tsunami deri në 3 metra i lartë pritej të arrinte prefekturën Iwate në ishullin Honshu dhe pjesë të Hokkaidos, sipas paralajmërimit të lëshuar.
Deri tani nuk ka raportime për viktima, teksa mund të ketë dëme të shumta materiale.
