Një shumë parash janë sekuestruar nga autoritetet kufitare në doganën e Kakavijës.
Policia ka sekuestruar 11,150 Euro që po tentonte t’i nxirrte jashtë Shqipërisë 39-vjeçarja K.Q. nga Berati.
Shuma e parave nuk ishte deklaruar sipas ligjit, ndërsa 39-vjeçarja është proceduar penalisht në gjendje të lirë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprën penale “Mosdeklarimi në kufi i të hollave dhe i sendeve me vlerë”.
