Dy vatra zjarri janë aktivizuar mëngjesin e sotëm në sipërfaqet pyjore të Pukës.
Zjarret janë shfaqur në pyjet pranë fshatit Kishagji dhe në pyjet e Buzhalës.
I pari u shkaktua nga shkarkimet atmosferike (rrufe) gjatë mbrëmjes së kaluar, ndërsa në Buzhalë nuk dihen ende arsyet duke mos u përjashtuar pista e zjarrvënies së qëllimshme.
Zjarri në Kishagji ka rrezikuar fshatin dhe ish-magazinat e rezervave të shtetit, por aktualisht është vendosur nën kontroll.
Sakaq, në Buzhalë vijon puna për shuarjen e flakëve në pyje dhe nuk ka rrezik për banesat.
Të angazhuar në shuarjeve e flakëve janë shërbimi zjarrfikës, ai pyjor dhe punonjësit e shërbimeve të bashkisë.
