Jemi më pak se 6 ditë nga starti i kampionatit për sezonin 2023-2024.
Më saktësisht me 26 gusht është parashikuar që skuadrat të zbresin në fushën e lojës për të nisur kështu edhe sezonin e ri futbollistik në vendin tonë.
Numërimi mbrapsht ka nisur për startin e Kategorisë Superiore por kampionati mbetet ende në “ajër”.
FSHF-ja akoma nuk ka bërë të ditur se ku do të mund të shikojmë këtë sezon kampionatin shqiptarë.
Me të përfunduar sezoni i kaluar, FSHF-ja ndërpreu bashkëpunimin me platformën Tibo ku “oversport” transmetonte ndeshjet e Superiores.
Kupën e Shqipërisë dhe Kategorinë e Parë. Tashmë prej më shumë se 2 muaj tifozët po presin të mësojnë se ku do të mund të shikojnë skuadrën e tyre të zemrës.
Sipas “Shkodra Sport” është bërë me dije se MCN Tv ka bërë propozimin më të lartë për të transmetuar ndeshjet, por deri tani nuk ka asgjë zyrtare nga Federata Shqiptare e Futbollit.
