Në Pikën Kufitare të Kakavijës gjatë fundjavës ka pasur një fluks lëvizjesh, ku numri më i lartë i lëvizjeve është shënuar në dalje të territorit shqiptar.
Në 24 orët e fundit janë regjistruar gjithsej 11400 shtetas, 4280 në hyrje dhe 7120 në dalje; 3420 mjete nga të cilët 1176 në hyrje dhe 2244 në dalje.
Aktualisht pala shqiptare po punon me 7 sportele, 5 në dalje dhe 2 në hyrje, ndërsa pala greke 4 në hyrje dhe 2 në dalje.
Raportohet se nuk janë shkaktuar radhë të gjata në pritje nga të dyja anët e kufirit pavarësisht fluksit në rritje.
