Në dosjen e Prokurorisë së Posaçme në lidhje me sterilizimin e pasisjeve kirurgjikale prokurorët kanë marrë në shqyrtim dhe shpenzimet e bëra në 18 spitale. Rezulton se dezinfektimin e serviseve kirurgjikale ka diferenca të mëdha.
Kështu çmimin më të lartë që ka marrë kompania e drejtuar nga Ilir Rrapaj e ka QSUT me rreth 82 mijë lekë për set, e më tej Durrësi me 52 mijë lekë.
Spitali më i lirë për sterilizimin e pajisjeve është Korça me një çmim që rezulton vetëm 3 mijë e njëqind e 50 lekë për çdo operacion. Por në këtë tabelë të analizuar prej prokurorëve duket qartë diferenca nga një qytet në tjetrin.
Por edhe në maternitetet në Tiranë është sërish i njëjti fenomen. Kështu në një prej tyre vlera për set është 17 mijë lekë e në tjetrin arrin në 46 mijë lekë. Sipas prokurorëve kjo tregon se nuk ka pasur një analizë të qartë të punës në paraqitjen e dosjes për koncesionin, raporton Ora News.
Por ndërsa në dokumente thuhet se Ilir Rrapaj që fitoi koncesionin 100 milionë eurosh udhëtonte me makinat e Ministrisë së Shëndetësisë para dhe pas tenderit, më tej skandali thellohet edhe më shumë
Para shpalljes së fituesit përfaqësues të kompanisë komunikonin me email me zyrarët e Ministrisë së Shëndetësisë përfshirë dhe zëvendësministrin Rjepaj mbi vijimin e procedurës dhe pse Avokati i Shtetit ende nuk kishte dhënë përgjigje.
Kjo tregon, sipas prokurorisë, se fituesi ishte paravendosur. Ndërsa, vetë ministri Ilir Beqaj u kërkonte ministrive të tjera t’i shikonin me përparësi kontratat e koncesioneve me partneritet publik – privat.
