Një ngjarje e rëndë ka ndodhur në lagjen “11 Janari” të Kuçovës mbrëmjen e sotme.
Mësohet se një 37-vjeçar prej gati dy orësh ka mbajtur peng nën kërcënimin e thikës nënën dhe motrën e tij.
Gjergji Salla ka kërcënuar se do t’i vriste, ndrësa kanë qenë fqinjët që kanë njoftuar policinë duke ngritur alarmin për rrezikun që i kanosej dy grave të familjes.
Uniformat blu kanë ndërhyrë duke neutralizuar autorin vetëm 1 orë pas telefonatës në sallën operative.
Bëhet me dije se 37-vjeçari, i cili vuan nga probleme të shëndetit mendor është arrestuar. Mësohet se Salla prej dy javësh refuzonte të konsumonte medikamentet dhe ishte shndërruar në person agresiv.
