Arrest në burg është masa e sigurisë që ka vendosur Gjykata e Shkallës së Parë në Dibër për 30-vjeçarin Dorjan Mema, i cili i mori jetë me goditje thike fqinjit të tij, në oborrin e banesës.
I riu doli sot para togave të zeza, si i akuzuar për vrasjen e 26-vjeçarit Dritan Manjani në fshatin Shupenzë të Bulqizës.
Gjyqtari i çështjes, Ardit Kuka ka pranuar kërkesën e organit të akuzës duke caktuar e masën e sigurimit personal me karakter shtrëngues “arrest në burg” të parashikuar nga neni 238 i Kodit të Procedurës Penale për Dorjan Demën.
Mema e ka treguar dinamikën e ngjarjes sipas versionit të tij, duke u shprehur se me viktimën kanë patur debate në një lokal para se ai ta godiste me thikë. Konflikti mes dy të rinjve ndodhi mbrëmjen e së hënës.
