Sherri mes dy reperave Noizy (Rigels Rajku) dhe Cllevio Serbiano (Kleviol Ahmeti) është rikthyer sërish në vëmendje. Shkak është bërë djegia e një prej automjeteve të Noizyt, më 6 Gusht, rreth orës 05:10 të mëngjesit.
Të filmuar nga kamerat e sigurisë, blutë e qytetit bregdetar identifikuan dhe arrestuan autorët, pas 5 ditësh. Bëhet fjalë për shtetasin Seir Konti, 26 vjeç dhe një 17-vjeçar, të dy banues në Vlorë. Në dëshminë e dhënë për grupin hetimor, Seir Konti ka pranuar autorësinë dhe ka deklaruar se për djegien e automjetit është paguar nga Cllevio Serbiano, i cili aktualisht po qëndron në Itali.
Burime për mediat bëjnë me dije se nuk është djegur makina e modelit “Ferrari”, vlera e të cilit është rreth 300 mijë euro, por i është vënë flaka një tjetër makine luksoze të Noizyt që kushton rreth 120 mijë euro. Bëhet fjalë për mjetin “Maybach – Mercedez Benz”, të cilin reperi e linte të parkuar kryesisht para lokalit të tij në Durrës.
Ndërkaq këngëtari Cllevio Serbiano ka bërë një reagim në rrjetet sociale, duke postuar një fragment të një kënge.
