Një ngjarje e rëndë është regjistruar mesditën e kësaj të premte në fshatin Pojan të Fierit.
Burime bëjnë me dije se një 21-vjeçar dyshohet se është mbytur në kanal. Viktima është shtetasi me inicialet H. S., banues në Roskovec.
Mësohet se i riu ka qenë duke peshkuar me shokët, kur ka rënë brenda kanalit dhe nuk ka mundur të dalë më. Kanë qenë shokët e tij që kanë njoftuar për zhdukjen e 20-vjeçarit, teksa ende nuk është gjetur trupi i tij.
Në vendin e ngjarjes ka mbërritur policia e Fierit si dhe forcat zjarrfikëse dhe po kontrollohet e gjithë gjatësia e kanalit, por nuk ka shenja nga i riu.
Njoftimi:
Rreth orës 12:40, në fshatin Pojan, dyshohet se duke peshkuar, ka rënë aksidentalisht në kanal dhe është mbytur shtetasi H. S., 21 vjeç, banues në Roskovec.
Shërbimet e Policisë ndodhen në vendngjarje dhe po punojnë për gjetjen e trupit të 21-vjeçarit.
Grupi hetimor po punon për zbardhjen e plotë të rrethanave të ngjarjes.- thuhet në njoftimin e policisë.
