Qytetarë dhe aktivistë të Lëvizjes Bashkë kanë protestuar mbrëmjen e sotme në Tiranë kundër ndërtimit të kullës 60 kate pranë qendrës së kryeqytetit.
Ata hodhën akuza kundër qeverisë, bashkisë dhe opozitës për përfshirjen në këtë projekt që i merr kryeqytetit një tjetër hapësirë të gjelbër.
Leja e ndërtimit për këtë projekt qindra milionë euro është miratuar në mars të këtij viti, ndërsa punimet kanë nisur në muajin gusht.
