Kandidati për president të Ekuadorit, Fernando Villavicencio, është qëlluar për vdekje me armë zjarri gjatë fushatës zgjedhore.
Villavicencio, pjesëtar i Asamblesë Kombëtare të shtetit, është ekzekutuar të enjten pasi është larguar nga një takim me mbështetës në qytetin verior Kuito.
Një pjesëtar i ekipit të fushatës së tij, u ka thënë mediave lokale se Villavicencio ka qenë duke hyrë në makinë kur një burrë i ka dalë përpara dhe e ka qëlluar në kokë. Presidenti aktual Guillermo Lasso, është zotuar se ky “krim nuk do të mbetet pa ndëshkim”.
Dëshmitarët kanë thënë se Villavicencio, 59-vjeçar, është qëlluar tri herë me armë. I dyshuari u qëllua gjithashtu në një shkëmbim plumbash me sigurinë dhe më vonë vdiq nga plagët e marra, tha prokurori i përgjithshëm i vendit në mediat sociale. Ata shtuan se nëntë persona kanë pësuar lëndime, duke përfshirë një kandidat për asamble dhe dy policë.
My thoughts and prayers are with Ecuador …. Fernando Villavicencio was assassinated today and the last hope to fight off the Socialst scum that Corra has brought on that country… Villavicencio had plans to take the same approach to crime as President Nayib Bukele of El… pic.twitter.com/ht7L6HJcSf
— Isaac’s Army (@ReturnOfKappy) August 10, 2023
Raundi i parë i zgjedhjeve presidenciale është planifikuar të mbahet më 20 gusht. Lasso, i cili nuk do të jetë në fletën e votimit, tha se ishte “i indinjuar dhe i tronditur” nga vrasja, duke shtuar: “Krimi i organizuar ka bërë një rrugë të gjatë, por pesha e plotë e ligjit do të bjerë mbi ta”.
Një rritje e kohëve të fundit e krimit të dhunshëm, e nxitur nga prania në rritje e karteleve të drogës në Ekuador, ka qenë një çështje qendrore në fushatën presidenciale të këtij viti.
Muajin e kaluar, zoti Lasso shpalli gjendje të jashtëzakonshme dhe shtetrrethim natën në tre provinca pas një numri vrasjesh të lidhura me krimin e organizuar.
Përveç sigurisë, fushata e zotit Villavicencio ishte fokusuar në trajtimin e korrupsionit, një temë që ai e kishte mbuluar në një karrierë të mëparshme si gazetar, dhe reduktimin e shkatërrimit të mjedisit.
Javën e kaluar, ai tha se ai dhe ekipi i tij ishin kërcënuar nga kreu i një bande të lidhur me trafikun e drogës.
Z. Villavicencio, i cili ishte i martuar dhe kishte pesë fëmijë, ishte një nga tetë kandidatët në raundin e parë të zgjedhjeve, edhe pse jo kryesuesi.
Vrasja e tij pason atë të Agustín Intriago, kryebashkiak i qytetit Manta, në korrik dhe Omar Menéndez, kandidat për kryetar bashkie në qytetin e Puerto López, në shkurt.
Duke bërë homazhe, partia e zotit Villavicencio, Movimiento Construye, ndau një koment që ai postoi në mediat sociale në përgjigje të thirrjeve për të pezulluar fushatën presidenciale pas vdekjes së zotit Intriago.
Fshehja në momentet kur kriminelët bëjnë atentat ndaj qytetarëve dhe zyrtarëve është një akt frikacak”, ka shkruar ai.
Ish-zëvendëspresidenti dhe kolegu i tij kandidat Otto Sonnenholzner dërgoi “ngushëllimet e tij më të thella dhe solidaritetin e thellë” për familjen e zotit Villavicencio.
”Zoti e ruajtë në lavdinë e tij”, ka shkruar ai. “Vendi ynë ka dalë jashtë kontrollit”.
Kryetarja Luisa Gonzales ndau gjithashtu “solidaritetin” e saj me familjen e zotit Villavicencio, duke shtuar: “Ky akt i poshtër nuk do të mbetet pa u ndëshkuar”.
