Personi që shihni në fotot e mëposhtme është 55-vjeçari Armando Meshau, i cili humbi jetën pas një konlikti për motive pronësie në Vlorë.
Ngjarja ka ndodhur në një qendër interneti, pranë gjykatës së Vlorës, rreth orës 11:45, në lagjen “Hajro Çakërri”. Autori i ngjarjes, i cili është arrestuar disa orë pas ngjarjes është shtetasi Rei Azizi, 33 vjeç.
Sipas policisë, dy personat janë konfliktuar me grushte dhe Armando Meshau ka humbur jetën pas dhunës fizike.
Dinamika e sherrit
Burime bëjnë me dije se Armando Meshau ka qenë në qendërn e internetit për të printuar disa dokumente dhe mësohet se aty ka nisur debatin dhe me autorin, i cili ka qenë i pranishëm në ato ambiente.
Po të njëjta burime bëjnë me dije se debati ka degjeneruar me grushta ku shkaku ka qënë një banesë. Mësohet se autori Rei Azizi gjatë debatit e ka ofenduar Armando Meshaun, teksa ky i fundit i është drejtuar me fjalët: “S’ke për ta marrë apartamantin me fjalë banale”.
Ndërkohë që autori në këtë moment e ka qëlluar dy herë me grusht në fytyrë dhe nga goditja personi ka rënë pa ndjenja duke humbur dhe jetën.
Identifikimi i Rei Azizit ka qenë i lehtë për shkak se e gjithë zona ka qenë e monitoruar nga kamerat e sigurisë. Armando Meshau ishte një emër i njohur në fushën e ndërtimit në Vlorë.
