Një aksident i rëndë ka ndodhur këtë mëngjes në aksin Lushnje – Fier në vendin e quajtur “Safari”.
Në aksident është përfshirë një automjet tip ‘Mazda’ me targa AB 910 HX dhe tjetri tip ‘Ford’ me targa AA 246 JA.
Si pasojë e goditjes së fortë janë lënduar 10 persona, dy prej të cilëve në gjendje të rëndë.
Policia ka shkuar në vendngjarje dhe po zbardh shkaqet e këtij aksidenti.
Njoftimi i policisë:
Rreth orës 07:30, në vendin e quajtur “Safari park”, Fier, automjeti tip “Ford” me drejtues shtetasin F. B., 61 vjeç, banues në Fier, është përplasur me automjetin tip “Mazda”, me drejtues shtetasin M. Z., 62 vjeç, banues në Ballsh.
Si pasojë e përplasjes janë dëmtuar dhe ndodhen në spital, në kujdesin e mjekëve, dy pasagjere, shtetaset G. G., 25 vjeçe dhe A. B., 56 vjeçe.
Gjithashtu janë dëmtuar lehtë edhe 2 drejtuesit e mjeteve si edhe 6 pasagjerë në këto mjete, të cilët po kryejnë ekzaminimet mjekësore në spital.
Grupi hetimor po punon për përcaktimin e shkaqeve të aksidentit.
