Policia ka reaguar në lidhje me aksidentin e regjistruar pasditen e kësaj të shtune në aksin rrugor “Korçë-Pogradec”.
Autoritet bëjnë me dije se janë përplasur automjeti tip “Volksawagen” me drejtuese shtetasen A. Sh., 32 vjeçe, banuese në Tiranë; me automjetin tip “Benz” me drejtues shtetasin L. H., 49 vjeç, banues në Kurbin dhe automjetin tip “Nissan” me drejtues shtetasin K. A., 68 vjeç, banues në Korçë.
Si pasojë e aksidentit kanë mbetur të plagosur tre drejtuesit e automjeteve që janë tranportuar me urgjencë në spitalin e Korçës. Blutë e qytetit juglindor bëjnë me dije se po kryejnë kontroll mjekësor 4 pasagjerët e automjetit tip “Nissan”.
Ngjarja ndodhir rreth orës 16.30, në afërsi të fshatit Gurishtë, Maliq. Grupi hetimor po punon për zbardhjen e rrethanave të aksidentit.
Siç shihet nga pamjet e mëposhtme, makina janë shkatërruar nga përplasja e fortë, teksa një prej tyre ka përfunduar edhe në kanal, Dyshohet se shkaku i aksidentit ka qenë parakalimi i gabuar dhe lagështia në rrugë për shkak të reshjeve të shiut.
