Kreu i PD-së, Sali Berisha ka reaguar në lidhje me foton që po qarkullon në rrjetet sociale, ku shfaqet ish-ministri i Brendshëm, Saimir Tahiri në qelitë e burgut të Kosovës në Lushnjë, duke drekuar bashkë me Safet Bajrin dhe Klement Balilin, i njohur ndryshe si “Eskobari i Ballkanit”.
Në një postim në rrjetet sociale, Berisha shprehet se në burgjet e Edi Ramës, vdesin ata që janë aty për lekët e dritave por jo ata që janë aty si hajdutë e trafikantë. Sipas tij, hajdutët dhe trafikantët bëjnë turizëm në burg, teksa shton më tej se Saimir Tahiri, Klement Balili dhe Safet Bajri gëzojnë privilegjet e partisë.
Reagimi i plotë:
Jo të gjithë shqiptarët vdesin nëpër burgjet e Edi Ramës, vdesin ata që janë aty për lekët e dritave por jo ata që janë aty si hajdutë e trafikantë.
Këta të fundit kanë privilegjin të bëjnë turizëm në burg, në kavalishencën e tyre qeveritare, madje edhe të ngrenë dolli shëndeti për kapon e tyre, që i bëri sheikët e vendit më të varfër në Europë.
Në foto, Saimir Tahiri, Klement Balili, Safet Bajri gëzojnë privilegjet e partisë. sb
