Kryetari demokrat Sali Berisha, në konferencën e përjavshme me gazetarët, është pyetur nëse ka ndonjë urim për t’i bërë Lulzim Bashës.
Gjatë fjalës së tij, Berisha tha se Basha është historia e degradimit të plotë të një njeriu të marrë peng me zero integritet.
Ai shtoi se Basha është keqpërdorur si askush tjetër nga kryeministri Edi Rama në 32 vite.
“Sot kam vetëm 1 fjalë, është historia e degradimit të plotë të një njeriu të marrë peng me zero integritet që u keqpërdor në 32 vite si askush tjetër nga kryeministri i vendit. Nuk ka shqiptar që nuk e di sot se Lulzim Basha është një peng mjeran i Edi Ramës me dosjen e larjes së parave dhe Toyota Yaris. Ka tek-tuk njerëz që bëjnë sikur nuk e dinë, këtyre ju intereson të bëjnë sikur nuk e dinë, pra ndjekin dhe ata interesa personale sepse këtë nuk ka njeri që nuk ka mbetur pa e marrë vesh”- tha Berisha.
