Një i ri ka humbur jetën në Durrës pas rënies nga një lartësi. Ngjarja ka ndodhur paraditen e sotme, në lagjen nr.17.
“Dyshohet se ka rënë aksidentalisht, nga kati i katërt i një pallati, shtetasi A. Th., 25 vjeç (sipas deklarimeve të familjarëve, vuante nga probleme të shëndetit mendor). Si pasojë, 25-vjeçari ka humbur jetën”, njoftoi policia.
Grupi hetimor vijon punën për zbardhjen e rrethanave të kësaj ngjarjeje, ndërsa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme, shtuan të njëjtat burime.
