Gjykata e Durrësit ka lëshuar ditën e sotme një urdhër të menjëhershëm mbrojtjeje për Pjetër Kaçin dhe djemtë e tij.
Ky vendim vjen pas konfliktit që ata patën të dielën me ish-gardistin e kryeparlamentares Lindita Nikolla, Martin Nikolla dhe familjen e tij në Hamallaj. Duke qenë se vijojnë tensionet mes dy familjeve, 78-vjeçari Pjetër Kaçi ka kërkuar urdhër mbrojtjeje.
Dy familje janë konfliktuar me njëri-tjetrin mesditën e të dieles në Hamallaj, për çështje pronësie. Në sherr janë përfshirë 6 persona, mes tyre edhe gardisti Martin Nikolla, i cili u pezullua nga detyra pas ngjarjes.
Gardisti Martin Nikolla dhe vëllai i tij, Alfred Nikolla, tashmë të dy të arrestuar, dhunuan me shkopinj bejsbolli të moshuarin Pjetër Kaçi. Gjatë konfliktit, gardisti Martin Nikolla ka qëlluar në ajër, me armën e shërbimit, ku për fat të mirë nuk ka pasur persona të lënduar.
