Një vdekje me mister është ajo e 53-vjeçarit italian Antonio Masia në Itali, i cili u gjet i pajetë më 25 korrik të këtij viti në Sassari.
Prokurori Publik i Sassarit, siç raportojnë mediat e huaja, ka futur në listën e të dyshuarve për vrasje me dashje një nga kolegët e viktimës, shqiptarin Arben Luri, 48 vjeç.
Dyshohet se vdekja fillimisht ishte konstatuar e natyrshme, e shkaktuar nga një atak në zemër, por më vonë dyshimet u ngritën mbi një aksident në punë, ku trupi i tij i pajetë ishte fshehur nga dikush për të penguar hetimet dhe për të fshehur provat.
Në kuadër të hetimeve, një tjetër koleg i Masias, Fabio Mario Saba, po hetohet për vrasje nga pakujdesia, fshehje trupi, zjarrvënie e rëndë dhe ndotje mjedisore.
Sipas Prokurorisë Publike italiane, ishte ai pikërisht kolegu i tij ai që shkatërroi një pjesë të madhe të impianit të mbetjeve Gesam 12 ditë pas vdekjes së Masias.
Tri persona të tjerë dyshohen për zjarrin në zonë. Ata janë Stefano Squintu, menaxheri i Gesam, Innocenzo Mario Giannasi dhe sipërmarrësi Federico Soro, i cili ishte në bisedime për të marrë kompaninë për një shifër rreth 11 milionë euro.
