Policia e Tiranës ka vënë në pranga 7 persona për vepra të ndryshme penale dhe ka proceduar penalisht një tjetër.
Specialistët për Hetimin e Krimeve të Komisariatit të Policisë Nr. 1 ndaluan shtetasin N. D., 55 vjeç, banues në fshatin Lundër, Tiranë, pasi Gjykata e Apelit të Juridiksionit të Përgjithshëm Tiranë e ka dënuar me 1 vit burgim, për veprën penale “Dhuna në familje”.
Specialistët për Hetimin e Krimeve të Komisariatit të Policisë Nr. 4 arrestuan shtetasit:
– G. K., 34 vjeç, banues në Tiranë, pasi është kapur në Bizë, Shëngjergj, duke prerë dhe ngarkuar lëndë drusore;
– R. S., 52 vjeç, banues në Tiranë, pasi në rrugën “Kongresi i Manastirit”, ka vjedhur automjetin e të dashurës së tij.
Specialistët për Hetimin e Krimeve të Komisariatit të Policisë Nr. 6 arrestuan shtetasin R. A., 57 vjeç, banues në Tiranë, pasi ka ushtruar dhunë ndaj bashkëshortes së tij dhe djalit të tyre.
Specialistët e Qarkullimit Rrugor arrestuan shtetasit:
– R. K., 23 vjeç, banues në Elbasan, pasi duke drejtuar automjetin, në gjendje të dehur, është përplasur me një automjet tjetër, me pasojë vetëm dëme materiale;
– B. I., 21 vjeç, D. G., 51 vjeç dhe V. H., 33 vjeç, të tre banues në Tiranë, pasi u kapën duke drejtuar automjetet, në gjendje të dehur;
– Y. B., 25 vjeç, banues në Tiranë, pasi duke drejtuar automjetin, në gjendje të dehur, ka humbur kontrollin dhe si pasojë automjeti ka dalë nga rruga.
Specialistët për Hetimin e Krimeve të Komisariatit të Policisë Krujë kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe nisi procedimi në gjendje të lirë për shtetasin G. K., 53 vjeç, banues në fshatin Brret, Krujë, pasi është konfliktuar për motive të dobëta, me shtetasin P. K., 47 vjeç, dhe e ka kanosur atë me armë gjahu. Arma e gjahut u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
