Radhë të gjata në pikën e kalimit kufitar të Qafë Thanës.
E gjithë kjo ka ardhur për shkak të fluksit të madh të hyrjeve dy ditët e fundit nga Maqedonia e Veriut në drejtim të Shqipërisë, të cilët pasi kanë kaluar fundjavën në bregdetin shqiptar po kthehen në vendin fqinj.
Gjatë 48 orëve të fundit nga Maqedonia e Veriut në drejtim të vendit tonë kanë hyrë me shume se 9000 shtetas, kryesisht shqiptarë.
Për të përballuar fluksin në dalje policia jonë kufitare në Qafë Thanë po punon me katër sportele ndërkohë që në anën tjetër po punohet me tre të tilla.
Radhët me të gjata kanë qenë në orët e pasdites, radhë që kanë nisur të reduktohen pas orës 18:30, por fluksi vazhdon të jetë i lartë në pikën kufitare të Qafë Thanës.
E gjithë situata është krijuar nga fluksi, por edhe sistemi i ri me një ndalesë që po aplikohet në kufirin me Maqedoninë e Veriut, “One Stop” i cili do të inaugurohet nesër nga Kryeministri Rama dhe Kovaçevski.
Sistemi i ri po aplikohet prej dy ditësh dhe ka shkaktuar një situatë të tillë.
