Këshilltari i lartë i Departamentit Amerikan të Shtetit, Derek Chollet, e ka shtyrë vizitën e paralajmëruar në Kosovë, Bosnjë-Hercegovinë e në Serbi, ka konfirmuar për KOHËN këshilltari për media i Presidencës, Bekim Kupina.
Ai deklaroi se shtyrja u bë për shkaqe objektive të njërit nga anëtarët e delegacionit.
“Nuk ka anulim të vizitës, por jemi informuar se ka shtyrje të datës për gjithë turin ballkanik (pra Kosovë, Bosnje e Hercegovinë dhe Serbi) për shkaqe objektive të njërit nga anëtarët e delegacionit”, deklaroi Kupina.
Vizita e këshilltarit të lartë të DASH-it ishte paralajmëruar të mbahej më 30 e 31 korrik.
