Arabia Saudite do të jetë vendi i radhës ku do të mbahet takimi me shtetet perëndimore dhe vendet në zhvillim për të biseduar rreth situatës në Ukrainë.
Takimi që do të sjellë zyrtarë të lartë nga 30 vende të botës, duke përfshirë Indonezinë, Egjiptin, Meksikën, Kilin dhe Zambinë, në Jeddah do të mbahet më 5 dhe 6 gusht.
Ukraina dhe zyrtarët perëndimorë shpresojnë se bisedimet, të cilat përjashtojnë Rusinë, mund të çojnë në mbështetje ndërkombëtare për kushtet e paqes që favorizojnë Ukrainën, shkruajnë mediat e huaja.
Kremlini, i cili pretendon se ka aneksuar rreth një të gjashtën e Ukrainës, ka thënë se i sheh bisedimet e paqes me Ukrainën si të mundshme vetëm nëse Kievi pranon “realitete të reja”, duke iu referuar pretendimeve të tij territoriale.
Ndërkohë nga ana tjetër, Kievi thotë se negociatat me Rusinë do të jenë të mundshme vetëm pasi Moska të tërheqë trupat e saj.
Burimi: Reuters.com
