Juristi Ylli Manjani, avokat i biznesmenit Pëllumb Gjoka është prononcuar për mediat, pas vendimit të GJKKO-së, ku rikonfirmoi masën “arrest me burg” për klientin e tij, të prangosur në kuadër të operacionit “Metamorfoza”.
Sipas tij, nuk ka as akuza dhe as përgjime, dhe gjithçka ka nisur mbi bazën e indicieve policore, teksa sipas tij, Prokuroria është treguar e nxituar me masën “arrest me burg”. Manjani deklaroi se gjithçka janë spekullime dhe se Pëllumb Gjoka ka mohuar në gjykatë se është përdorues i aplikacioneve “Sky” dhe “Encro”, çuan në zbulimin e 4 ngjarjeve kriminale të ndodhur gjatë vitit 2020 dhe 2021 në Shkodër.
“E para e punës dua t’iu them që s’ka asnjë akuze zyrtare në çastet që flasim. Statusi legal dhe procedural i Gjokës është se asnjëri i atyre është i pandehur. Pra nuk ka as akuza. Sipas ligjit Bolshevik shqiptar, lejohet arresti dhe për personat nën hetim. Ndaj lejohet kjo gjë. Ne mendojmë në kor dhe dhamë opinion, e gjithë kjo nisi mbi bazën e indiceve policore. Nuk ka përgjime se mbushët dynjanë. Çkodimi nuk është përgjim. Është sikur të hysh në arkivë dhe të vjedhësh të dhëna. Nuk ka asnjë provë se klienti im të ketë përgjime. Nuk është kapur asgjë. Të gjitha këto janë spekulime. Prokuroria ishte e qartë, flitet për persona nën hetim dhe indicie, që janë marrë me letër porosi nga Franca. Letër porositë që kanë ardhur nga Franca, nuk është e qartë, pasi nuk ka aparate të kapura. Të gjitha janë spekulime, mos merrni njerëz në qafë. Prokuroria në pikëpamjen time, është treguar premtuare dhe e papjekur sepse ka nxituar me masë. Në vend që të hetonte kërkon prova shtesë për ato që thotë. Ai Ka mohuar të jetë përdorues i këtye aparateve dhe fjalët e thëna s’janë të tij”, tha Manjani.
