Një 60-vjeçar në Kavajë është arrestuar pasi i vuri flakën një sipërfaqe të madhe toke ku kryesisht ishin mbjellë ullinj, ndërsa tentoi të digjte disa plehra në tokën e tij.
Zjarri u përhap me shpejtësi dhe situata doli nga kontrolli në hapësirën me pemë të ndryshme dhe binarë të trasesë së hekurudhës Rrogozhinë-Peqin.
Njoftimi i policisë:
Si rezultat i kontrolleve është evidentuar një rast i zjarrvënies, për të cilin është arrestuar në flagrancë shtetasi G. Sh., 60 vjeç, banues në Rrogozhinë.
Ky shtetas dyshohet se ka ndezur zjarr në tokën e tij, për të djegur mbeturinat, por zjarri ka dalë jashtë kontrollit dhe si pasojë e përhapjes së flakëve është djegur një sipërfaqe e konsiderueshme toke me pemë të ndryshme (kryesisht ullinj) dhe binarë të trasesë së hekurudhës Rrogozhinë-Peqin.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
