Specialisti i futbollit, Sulejman Starova, analizoi në emisionin “Skaner”, humbjen e Tiranës, ndaj Beshktashit, me rezultatin 3-1.
Menjëherë pas duelit të parë të zhvilluar në Turqi, Starova ndër të tjera deklaroi:
“Nuk jam i saktë me parashikime, por kisha parashikuar që nuk do kishte goleadë. Në parashikimi tim isha 2-0 për Beshiktash. Kishte buxhet drastik mes dy ekipeve. Zotërimi i topit dhe veprimet teknike nga Beshiktash, ndaj një Tirane që ishte e vendosur mirë. Beshiktash ishte i saktë në pasime dhe i durueshëm. Gabuam te dy golat e parë.
Mbyllja e Përgjonit duhej në golin e parë. Edhe te goli i dytë, Hoxhallari ishte shumë larg. Te goli i tretë, humbëm një top nga ku e pësuam. Nuk kisha ndonjë dyshim për kualifikimin e Beshiktash. Një 2-1 do të ishte dinjitoze për Tiranën. 2-1 ishte një rezultat që do linte të hapur ndeshjen e kthimit. Ky rezultati 3-1 lë një shije të hidhur.
Kishim besim që nuk do të kishte goleadë. Kur shikon skuadër me diferencë drastike në buxhet, shumica e publikut, pret çfarë do bëjë Beshiktashi. Ne analistët llogarisim, që është fillimi i sezonit, Tirana ishte e mobilizuar. Beshiktashi bëri diferencën në saktësinë në pasime, kjo ishte diferenca, nuk u sforcua. E zotëroi topin në mënyrë drastike.
Për mua Tirana ishte e vendosur në fushë, stabilitetin e ka. Ka ndërhyrë fuqishëm në merkato, e dha maksimumin. Gabimi i Përgjonit te goli i parë, ishte taktik individuale në mbrojtje. Po të ishte më i kujdesshëm, e eliminon atë golin. Aksioni i golit të Tiranës, ishte model.
Skuadrat e mëdha nuk nxitohen kur t’i parkon autobuzin. Në momente të caktuara, ka një ndërrim marshi. Tirana ishte më e kujdesshme. Është logjike që Beshiktashi të mos ketë vlerësimin maksimal përballë Tiranës”, deklaroi Starova.
