Në kuadër të arrestimit të personave gjatë operacionit të SPAK, punonjësit e policisë kanë shkuar mëngjesin e sotëm duke ushtruar kontroll në banesën e Ervis Martinaj në Fushë-Kuqe.
Ervis Martinaj është njëri nga personash e shpallur sot në kërkim, së bashku me Behar Bajrin, Astmer Bilalin dhe persona të tjerë. Kjo është masa e dytë e arrestit që SPAK ka lëshuar për Ervis Martinaj, pas shpalljes në kërkim të tij në 18 Maj 2022 gjatë operacionit “Plumbi i artë”.
Kjo pasi dyshohet se ndonëse në pamje të parë këta personazhe duket sikur nuk kanë lidhje me njëri-tjetrin, ata siç duket i bashkon ‘grupi i strukturuar kriminal’ dhe lidhjet e tyre që kanë të bëjnë me ‘zhdukjen e provave’, me ‘lojërat e fatit’ apo me ‘vrasje me pagesë’.
Edhe pse nuk dihet asgjë për fatin e tij (jeton apo ka vdekur), Martinaj dyshohet për vepra penale të urdhërimit të vrasjeve, ndërsa ende nuk jepen detaje se për çfarë është nxjerrë konkretisht urdhër-arresti i ri.
Ervis Martinaj është në mesin e 15 personave, për të cilët SPAK ka lëshuar urdhërarreste në një operacion të nisur prej orëve të vona të së mërkurës. Në këtë operacion të konsideruar “top secret” deri në këto momente kanë rënë në pranga zyrtarë policie, prokurorë e biznesmenë.
Lista
Përllumb Gjoka (arrestuar)
Xhevahir Lita (arrestuar)
Olt Bistri (arrestuar)
Edmond Preka (arrestuar)
Ardit Hasanbegaj (arrestuar)
Behar Bajri (në kërkim)
Astmer Bilali (në kërkim)
Ervis Martinaj (në kërkim)
