Marco Alia, gardiani më i ri i Skënderbeut, është gati të rinisë betejën për kthimin sërish te vendi që i takon duke marrë parasysh gjithçka, edhe faktin që Skënderbeu ishte trampolina më e mirë për të ndjekur ëndrrën e tij.
Në një intervistë për “Panorama Sport”, portieri i korçarëve flet pa dorashka në lidhje me gjithçka që i përket botës së futbollit dhe jo vetëm.
Duke u ndalur nga Lazio e deri tek ëndrra Kombëtare.
Largimi nga Lazio-Problemi, nëse mund ta quajmë kështu, ishte fakti që kisha si rivalë për një pozicion titullari dy portierë të jashtëzakonshëm si Reina dhe Tomas. E duke parë që rruga ishte deri diku e zënë dhe mua më duheshin minuta vendosa të zgjedh të luaj dhe të rritem në lojë. Për këtë arsye zgjodhëm të kaloja te Monterosi.
Trasnferimi tek Skënderbeu- Skënderbeu është një klub i madh dhe nëse do ta krahasoja mund të them se është njësoj si Juventusi në Itali. Një ekip që ka dominuar për 10 vite kampionatin shqiptar dhe ka qenë pjesëmarrës në Europa Ligë, diçka e rrallë për futbollin këtu.
Ishte agjenti im Serxhio Mezi që më mori në telefon dhe më tha se kam një ofertë të rëndësishme për ty. Ai më ka folur shumë mirë për Skënderbeun. Më pas jam takuar me presidentin Takaj, kam parë projektin e tij dhe jam bërë pjesë menjëherë.
