Vetëm dy ditë ka zgjatur arratia për një 64-vjeçar nga Kurbini, i cili ishte shpallur në kërkim nga Policia, pasi ushtronte vazhdimisht dhunë ndaj bashkëshortes së tij dhe e kanoste atë për jetën. Në pranga është vënë shtetasi Gjok Gjergji, i cili është kapur ditën e sotme.
“Ky shtetas u shpall në kërkim pas denoncimit nga bashkëshortja e tij se në mënyrë të vazhdueshme kishte ushtruar dhunë ndaj saj dhe e kishte kanosur atë për jetën. Gjatë kontrollit në banesë, dy ditë më parë, u gjetën dhe u sekuestruan një armë gjahu dhe municion luftarak, që ky shtetas i mbante pa leje.” – thuhet në njoftimin e Policisë.
Materialet procedurale iu referuan Prokurorisë, për veprime të mëtejshme.
