Pavarësisht se jemi në kulm të sezonit veror, Saranda vijon problematikat me enegjinë elektrike.
Ditën e sotme Saranda ka pasur kufizim të energjisë elektrike për shkak të një problemi me kabllot elektrik. Siç mund ta shihni në pamjet më poshtë kabulli elektrik ka bërë masë dhe më pas ka shpërthyer përballë gjykatës së Sarandës.
Në video duket që telat shpërthejnë në flakë dhe dëgjohen shpërthime. Qytetarë të tmerruar duket që largohen, ndërsa disa i bëjnë thirrje të tjerë të largohen pasi mund tu rrezikohet jeta.
Shpërthimi ka shkaktuar dëme sidomos në makina të cilat u gjendën rastësisht të parkuara aty. Nga dëshmitarët mësohet se janë dëmtuar 4 makina që ishin të parkuara pranë vendit ku ndodhi shpërthimi.
“Katrahurë. U përvëluan të gjitha makinat por shyqyr që nuk u gjendën kalimtarë në ato momente aty”, thotë një qytetar.
Një qytetar thotë se i janë dëmtuar dhe pajisje elektroshtëpiake. Rrjetat e “merimangave” të fijeve të korrentit, apo të internetit, vazhdojnë të lidhin pallatet e ndërtesat me njëra-tjetrën dhe mbi kokën e qytetarëve janë shqetësuese. Tela të zhveshur apo të paizoluar mirë nga momenti në moment mund të kthehen në burim fatkeqësie.
Kujtojmë që disa ditë më parë “Boldnews.al” ka denoncuar terrin që përfshiu Sarandën dhe Ksamilit pikërisht në kulm të sezonit. Jo vetëm turistët por edhe bizneset shprehën shqetësim të madhe për shkak se qeveria dhe OSHEE nuk garanton as kushtet minimale për pushuesit në bregdetet shqiptare të cilat vazhdojnë të jenë primitive jo vetëm nga shërbimi por edhe akomodimi.
View this post on Instagram
SKANDALI/ Saranda prej 11 orësh pa drita në kulmin e sezonit, braktiset nga turistët
