Personat që shihni në foton e mësipërme janë dy vëllezërit shqiptarë, Ilmi Rakipaj 24 vjeç dhe Klinton Rakipaj 19 vjeç.
Ata dyshohen si autorët të krimit të pasdites së djeshme në Padova të Italisë, ku vranë me thikë bashkëkombasin e tyre, 24-vjeçarin Albert Deda, i cili ndërroi jetë në vend, si dhe plagosën dhe dy shqiptarë të tjerë, të moshës 26 dhe 28 vjeç.
Dy vëllezërit shqiptarë u arrestuan mbrëmjen e djeshme në autostradë në kryqëzimin Villesse, rreth 20 kilometra nga kufiri me Slloveninë, në tentativë për t’u arratisur nga Italia. Të rinjtë kishin veshur rroba të reja, ku disa prej tyre ende me etiketa të ngjitura të cilat dyshohet se jatë vjedhur ose blerë me nxitim gjatë arratisjes dhe kishin plagë të vogla me thikë në duar, sipas të gjitha gjasave të shkaktuara gjatë sulmit.
Dy shqiptarët janë dërguar në burgun e Gorizias dhe po presin dënimin e tyre nga gjykata. Sipas policisë italiane, sherri nisi si pasoje e një “larje hesapesh” mes bashkëatdhetarëve.
