Deputeti i PS-së Petro Koçi, përmes një postimi në rrjetet sociale, bëri me dije sot se ka dhënë dorëheqjen nga posti i nënkryetarit të Komisionit të Edukimit, madje që më 11 Korrik, pasi sipas tij, ndihej i fyer nga përplasjet me deputetët e opozitës në lidhje me ligjin e Akademisë së Shkencave, të iniciuar prej tij.
Mazhoranca e miratoi në seancën e fundit në Kuvend ligjin për Akademinë e Shkencave me 70 vota pro, 23 kundër dhe 2 abstenime, ku tashmë kryetarit do t’i lejohet një mandat i dytë si dhe hiqet kufizimi i moshës 75 vjeç. Ky projektligj u propozua nga socialistët posaçërisht për t’i dhënë një tjetër mandat Skënder Gjinushit në krye të Akademisë së Shkencave.
Lidhur me dorëheqjen e petro Koçit, ka ardhur një reagim dhe nga deputetja e PD-së, Ina Zhupa, e cila e ka qenë një nga zërat që e ka denoncuar më shumë skandalin e Gjinushit në krye të Akademisë së Shkencave.
Në një postim në rrjetet sociale, Zhupa tekasa e quan me ironi “Petro Gjinushi”, i kujton se nëse ka dhënë dorëheqjen më 11 Korrik, atëherë pse kjo se pengoi të bënte mbledhjen klandestine të paligjshme dhe të ulej si nënkryetar me 19 korrik! Sipas deputetes demokrate, petro Koçi dha dorëheqjen pasi kreu misionin me turp.
Sipas Zhupër, Petro Koçi nuk do t’i mungojë atij Komisioni, por do të mbahet mend për shkeljet e rregullores, si i vetmi që drejtoje komision dhe i dhe miratimin për koncensionin e Butrintit me marrëveshje sekrete biles duke i justifikuar me sekret tregtar.
Reagimi i plotë:
Petro Gjinushi paska dhënë dorëheqjen pasi kreu misionin me turp!
Interesante është që pranon vetë që paska dhënë dorëheqjen me 11 korrik nga nënkryetar po kjo se pengoi të bënte mbledhjen klandestine të paligjshme dhe të ulej si nënkryetar me 19 korrik!
Petro nuk do na mungosh por do mbahesh mend për shkeljet e rregullores, si i vetmi që drejtoje komision dhe i dhe miratimin për koncensionin e Butrintit me marrëveshje sekrete biles duke i justifikuar me sekret tregtar!!!!
Ndaj stë pëlqejnë koleget ty, se askush nga komisionet e tjera nuk pranoi të ishte sekrete, ti ushtari i bindur berë ctë sollën para!
