Një ngjarje e rëndë është regjistruar pasditen e kësaj të diele në Padova të Italisë.
Mediat përtej Adriatikut raportojnë se një shqiptar është vrarë me thikë dhe dy të tjerë kanë mbetur të plagosur. Të tre shqiptarët janë konfliktuar me njëri-tjetrin dhe më pas sherri ka degraduar në përdorimin e thikës.
Ngjarja ka ndodhur në rrugën Dorighello, brenda një lagjeje në periferi të qytetit. Dy shqiptarët e plagosur janë tranpsortuar me urgjencë në spital në gjendje të rëndë shëndetësore.
Viktima është gjetur në korridorin e pallatit ku banonte. Ende nuk dihet identiti i viktimës dhe as i dy të plagosurve.
Policia ka rrethuar zonën dhe po hetojnë për zbardhjen e plotë të ngjarjes.
