Zjarri që përfshiu Gjykatën e Lartë mëngjesin e së enjtes krijoi panik jo vetëm tek stafi i gjykatës por edhe tek banorët e zonës dhe kalimtarët e rastit.
Ky panik u shtua edhe më shumë kur në vendin e ngjarjes mbërritën dy ambulanca.
Gjykata e Lartë mund të konsiderohet “ajka” e drejtësisë së re dhe aty tashmë japin drejtësi disa korifej dhe njerëz të rëndësishëm.
Kjo ka qenë arsyeja përse populli ka shprehur shqetësim dhe ka uruar që gjithë stafi i Gjykatës së Lartë, por veçanërisht gjyqtarët të shpëtonin shëndosh e mirë nga ky incident.
“Boldnews” gjithashtu solidarizohet dhe i bashkohet urimit për që të gjithë gjyqtarët e lartë të dalin shëndosh e mirë nga kjo ngjarje që gjithashtu shpresojmë të mos ketë as pasoja në dosjet që zvarriten prej vitesh.
Por veçanërisht dy prej anëtarëve të kësaj gjykate nuk duhet kurrsesi te cënohen sadopak pasi do krijonin një boshllëk të madh në dhënien e drejtësisë edhe nëse do mungoni qoftë dhe për pak kohë.
Sokol Ngresi dhe Darjel Sina, dy gjyqtarët kurajozë, me integritet, të pa ndikuar, profesionistë dhe të patrembur duhet të jenë prioritet i ekipeve të shpëtimit që po shuajnë flakët në Gjykatën e Lartë.
Jo se gjyqtarët e tjerë të Gjykatës së Lartë janë më pak të rëndësishëm, por Ngresi dhe Sina tashmë konsiderohen themelet dhe kolonat kryesore të drejtësisë së re që kanë pritur prej dekadash qytetarët shqiptarë por dhe partnerët tanë ndërkombëtarë.
Cënimi i tyre qoftë dhe i përkohshëm do të ishte një humbje shumë e madhe për sistemin e drejtësisë.
