Policia e Tiranës ka arrestuar pas dy ditësh, shoferin që shkaktoi aksidentin tragjik në Vaqarr, ku përplasi për vdekje një 23-vjeçar me motor.
Në pranjga është vënë shtetasi A. Sh., 53 vjeç, banues në fshatin Bulticë, Tiranë. Ky shtetas duke drejtuar automjetin tip “Audi”, në Vaqarr, ka humbur kontrollin dhe automjeti është përplasur me motomjetin me drejtues shtetasin L. T., 23 vjeç, i cili si pasojë e aksidentit ka humbur jetën.
Policia bën me dije se 53-vjeçari e drejtonte mjetin në gjendje të dehur, në momentin kur shkaktoi aksidentin tragjik.
Materialet procedurale i kaluan Prokurorisë pranë Gjykatës së Shkallës së Parë të Judiksionit të Përgjithshëm Tiranë, për veprime të mëtejshme.
