Ish-kandidati i koalicionit “Bashkë Fitojmë” për Bashkinë e Kuçovës, Lefter Maliqi, ka bërë një tjetër denoncim në lidhje me situatën në fshatin Sinecit, ku firma “Salillari”, e cila ka fituar tenderin pa konkurrent për të bërë punime ujësjellës për fshatrat e zonës në projekt nuk ka përmendur se do të ndërhyjë në burim ndërsa ka kryer punime në zonën e mbrojtur.
Maliqi ka publikuar një video në rrjetet sociale, ku shprehet se personi në të është Fredi Marra, njeriu i oligarkut Pëllumb Salillari, të cilit banorët e Lumasit i kanë dëbuar shoferët dhe i kanë bllokuar mjetet me “çakullin elektoral”, në ndihmë të kryebashkiakut Kreshnik Hajdari.
Maliqi paralajmëron se së shpejti do të nxjerrë prova e fakte të pakundershtueshne, se si kanë abuzuar me fondet dhe taksat e Bashkisë Kuçovë, jo vetëm me tendera korruptivë, por edhe me plot ndërhyrje e favorizime
“Ja dhe i keq-përdoruri i ish-fatorinos, tanimë Oligarkut Salillari, pranë Sinecit-Lumas, në tenderin korruptiv miliona Euro, ku në bashkëpunim me ‘Hajdarin’ e Bashkisë së grabitur Kuçovë, pengun e Salillarit, dhunuan burra, gra, pleq e fëmijë, duke urdhëruar policinë. Këta janë përfituesit dhe abuzuesit me taksat e qytetarëve të Kuçovës dhe ndikuesit në tjetërsimin e votës me ‘çakull e asfalt elektoral’ dhe jo vetëm… Ky është Fred Marra, të cilit banorët e Lumasit ia dëbuan shoferët dhe bllokuan mjetet me ‘çakullin elektoral’, në ndihmë të Hajdarit, ‘pengut’ të ish-fatorinos Salillari. Së shpejti me prova e fakte të pakundershtueshne, se si këta kanë abuzuar me fondet dhe taksat e Bashkisë Kuçovë, jo vetëm me tendera korruptivë, por edhe me plot ndërhyrje e favorizime. Drejtesia herët apo vonë do veprojë! Shkeljet, abuzimet dhe gjurmët, ngelen si prova të pakundërshtueshme. Bashkia Kuçovë, minierë ari për ta dhe zhgënjim, varfëri, përbuzje dhe derë e mbyllur për banorët! Shumë shpejt me prova e fakte!” – shkruan Maliqi.
