Tirana do të udhëtojë ditën e mërkurë drejt Gjeorgjisë për të zhvilluar stërvitjen e fundit përpara ndeshjes së kthimit me Dinamo Batumin, më 20 korrik në orën 19:00 në ‘Batumi Stadium’.
Bardheblutë synojnë kualifikimin dhe trajneri Shehi po ideon formacionin titullar për të arritur këtë qëllim. Ndryshe nga ndeshja e parë ku në balotazh ishin vetëm Hila dhe Lushkja, kësaj rradhe dilemat janë të shumta duke filluar që nga reparti i mbrojtjes deri te sulmi.
Lushkja ka bindur Shehin me golin e shënuar dhe do të jetë titullar në mesfushë. Por Shehi duhet të zgjedhë se kë do të ulë në stol mes Jonuzit dhe Hilës. Në mbrojtje, Përgjoni pritet të rimarrë sërish vendi e titullarit duke ulur në stol Gledi Micin i cili nuk ishte në formën e duhur në debutimin e tij.
Sulmi mbetet një superfuqi te Tirana. Hasani, Abazaj dhe Latifi janë lojtarë që garantojnë cilësi dhe rrezikshmëri dhe shihen si titullar nga Shehi. Mirëpo, rikthimi i Kainas nga dëmtimi mund të ulë në stol njërin prej tyre për arsye taktike. Kjo sepse në sfidën e parë u pa qartë dëshira e bardhebluve për të krosuar dhe një shtatlart si braziliani do të ishte i nevojshëm.
Formacioni i mundshëm:
Tirana (4-3-3): Selmani; Doka, Najdovski, Hoxhallari, Përgjoni(Mici); Hila(Jonuzi), Deliu, Lushkja; Hasani, Abazaj(Nunes), Latifi.
Trajner: Orges Shehi
