Tashmë është zyrtare, Ardit Krymi rikthehet te Vllaznia, pas aventurës në kampionatin bjellorus, me skuadrën e Shkhtor Soligorsk.
Lajmi është konfirmuar nga vetë klubi shkodran nëpërmjet një postimi në faqen zyrtare, ku shfaqet mesfushori duke u prezantuar në praninë e presidentit Xhaferri.
Krymi ka firmosur kontratë 2-vjeçare me kuqeblutë.
Mesfushori i larguar vetëm një vit më parë nga kuqeblutë, bën prapakthehu te skuadra ku u formua pasi klubi i Shakhtor Soligorsk është dënuar për trukime ndeshjesh dhe këtë vit luan thjesht për të mos rënë nga kategoria.
27-vjeçari do të jetë një element shumë i vlefshëm për trajnerin Memelli.
NJOFTIM I KLUBIT:
ARDIT KRYMI RIKTHEHET NË SHTËPI
KF Vllaznia ka kënaqësinë të njoftojnë arritjen e marrëveshjes me futbollistin Ardit Krymi për ta veshur pas një viti shkëputje sërish me fanellën kuqeblu. Ai do të jetë për 2 vitet e ardhshme pjesë e jona.
Mirë se erdhe Ardit!
