Prokuroria e Posaçme kundër Korrupsionit dhe Krimit të organizuar, SPAK, ka vendosur që të ndërperëse bashkëpunimin me të penduarin e drejtësisë Henrik Hoxhaj, një nga bashkëpunëtorët më të afërt në krime, i të penduarit tjetër të drejtësisë dhe i konsideruar ndryshe dhe si “ushtar” i këtij të fundit.
Hoxhaj kishte marrë rolin e të penduarit të drejtësisë në SPAK, duke rrëfyer për hetuesit e SPAK krimet mbi të cilat kishte dijeni së bashku me Nuredin Dumanin. Falë dëshmive të tij dhe të Dumanit, SPAK ndërmori operacionin “Plumbi i Artë” ku u lëshuan 32 urdhër arreste, mes tyre dhe shumë “koka” krimi që janë ende në arrati.
Megjithatë, mësohet se SPAK ka vendosur së fundmi që të ndalojë bashkëpunimin me Hoxhajn për zbardhjen e ngjarjeve kriminale. Kjo dyshohet të ketë ardhur si pasojë për shkak se dëshmitë e tij nuk janë përputhur totalisht me ato të Nuredin Dumanit për disa raste, duke krijuar kontradikta.
Hoxhaj u arrestua bashkë me Dumanin më 29 mars 2022 në qytetin e Fierit, pas atentatit që ranë pre e u plagosën të dy. Ai është një nga ‘suhtarët’ më të besuar të Dumanit, me të cilin ka mbajtur kontakte si në Kosovë e Shqipëri.
