Personi që shihni në foton e mëposhtme është 50-vjeçari shqiptar Shpëtim Bajrami, i cili u ekzekutua me tre plumba mesditën e të enjtes në një pikë karburanti përballë kalimtarëve. Po ashtu dhe autori ishte një 45-vjeçar shqiptar, i cili u vetëdorëzua ditën e sotme në Polici. Autori dhe viktima kishin miqësi me njëri-tjetrin dhe ishin të njohur në zonë.
Ata kanë qenë ulur së bashku në të njëjtën kafene përpara ngajrjes ku kanë debatuar me njëri tjetrin. Pas largimit nga kafeneja ata kanë shkuar në një pikë karburanti ku kanë vijuar debatin. Nga pamjet e publikuara në media, shihej autori i cili qëndron në makinë teksa vijon debati me viktimën i cili ndodhet jashtë. Në një moment Shpëtim Bajrami tenton ta qëllojë nga jashtë makinës, por kundërpërgjigjja me armë bën që ai të ndërrojë jetë në vend.
Autori ka thënë para hetuesve se nuk ka patur për qëllim ta vriste bashkëkombasin, por sipas tij, u detyrua pasi ishte kërcënuar.
“Nuk kam patur motiv ta vrisja. Kohët e fundit kam marrë kërcënime për jetën nga viktima. Ka patur dy incidente të dhunshme ndaj meje nga ana e viktimës, dhe jashtë karburantit u sulmova sërish nga i ndjeri”, ka deklaruar në polici 45-vjeçari.
Ky i fundit ka hematoma dhe të nxirra në kokë për shkak të goditjeve me zinxhir nga ana e viktimës para se të qëllohej me armë. Autori i ka treguar policisë edhe vendin se ku ka braktisur makinën me të cilën u largua pas krimit, si dhe ku ka fshehur pistoletën me të cilën vrau 50-vjeçarin, armë për të cilën tha se e bleu pas kërcënimeve.
Por dëshmitarët të cilët kanë qenë prezent në lokalin ku fillimisht u zunë para vrasjes, thonë se dëgjuan që të bisedonin për pagesa parash.
Viktima: E kam bërë punën, më jep paratë.
Autori: T’i kam dhënë, nuk të kam borxh.
Por një tjetër pistë hetimore që raporton gazeta greke “I Efimerida” është edhe një informacion që dyshohet se autori i kishte ngacmuar seksualisht bashkëshorten viktimës. Ai ishte afruar në një dasmë e mendohet që më pas të jenë takuar. Kjo dyshohet që të ketë shkaktuar mosmarrëveshjet mes dy shqiptarëve.
Por, gjithashtu, më herët u raportua se një pistë tjetër është dhe prishja e pazareve të drogës, pasi autori është me precedent penal në fushën e trafikimit të lëndëve narkotike.
